इपिएस परीक्षाको विषयलाई लिएर बालकुमारीमा गोली चल्यो, गोली लागेर एक आन्दोलनकारीको मृत्यु एकजना गम्भीर घाइते
१३ पुस, काठमाडौं । ललितपुरको बालकुमारी क्षेत्रमा प्रहरीको गोली एक आन्दोलनकारीको मृत्यु भएको छ। एकजनाको पाटन अस्पतालमा उपचार भइरहेको छ । घाइते प्रदर्शनकारीको पहिचान खुलेको छैन ।प्रहरीको गोली लागेर घाइते भएका आन्दोलनकारीको उपचारको क्रममा किष्ट अस्पतालमा मृत्यु भएको हो ।
रोजगार अनुमति प्रणाली (ईपीएस) मार्फत कोरियामा काम गर्न जान खोज्नेहरुले गरेको प्रदर्शन नियन्त्रणमा लिन प्रहरीले गोली चलाएको हो । स्थिति नियन्त्रणमा लिन गोली चलाउनु परेको जिल्ला प्रहरी परिसर ललितपुरका एजकना अधिकृतले जानकारी दिए ।
प्रदर्शन नियन्त्रणमा लिन प्रहरीले अश्रुग्यास पनि प्रहार गरेको थियो । प्रदर्शनकारीले भौतिक पूर्वाधार तथा यातायात मन्त्री प्रकाश ज्वाला चढ्ने बा.२ झ ५८६१ नम्बरको गाडी जलाएका थिए । यस्तै आगजनीमा संलग्न १० जनालाई प्रहरीले पक्राउ समेत गरेको छ । घटनामा केही आन्दोलनकारी घाइते समेत भएको बताइएको छ ।